पोर्चुगललाई बराबरी रोकेको क्रोएसिया अन्तिम ८ मा

युईएफए फुटबलमा पोर्चुगल क्रोएसियासँग एक–एक गोलको बराबरीमा रोकिएको छ । 

गएराति भएको खेलमा दुवै टोलीले एक–एक अंक बाँडेका हुन् । घरेलु मैदान स्टेडियम पोलजुडमा भएको बराबरीसँगै क्रोएसियाले अन्तिम आठमा स्थान पक्का गरेको छ । 

पोर्चुगल यसअघि नै प्रतियोगिताको अन्तिम ८ मा पुगिसकेको थियो । लिग ए समूह १ मा पोर्चुगलले १४ र क्रोएसियाले ८ अंक जोडेको छ ।  खेलको ३३औं मिनेटमा जोआओ फेलिक्सले गोल गर्दै पोर्चुगललाई अग्रता दिलाएका थिए । ६५औं मिनेटमा जोस्को जिभार्डियोलले क्रोएसियाका लागि बराबरी गोल फर्काए । 

सोही समूहमा स्कटल्याण्डले पोल्याण्डलाई २–१ गोलले ले हराउँदै तेस्रो स्थानमा उक्लिएको छ । ६ खेलको समाप्तिमा स्कटल्याण्डको ७ र पोल्याण्डको ४ अंक छ ।