काठमाडौँको जडिबुटीमा रोकेर राखेको टिप्परमा मोटरसाइकल ठोक्किँदा चालकको मृत्यु

काठमाडौं महानगरपालिका–३२ जडिबुटीमा रोकिराखेको टिप्परमा मोटरसाइकल ठोक्किँदा एक जनाको मृत्यु भएको छ ।

शनिबार राति सडकमा रोकिराखेको बा४ख ६१८२ नम्बरको टिप्परमा प्र ३–०२–००४ प ०२०५ नम्बरको मोटरसाइकल ठोक्किएको थियो ।

सो क्रममा मोटरसाइकल चालक पर्साको वीरगञ्ज महानगरपालिका–१४ मुरलीबँगैचा घर भएका ४५ वर्षीय सञ्जय सिंहको मृत्यु भएको हो ।

दुर्घटनामा परी गम्भीर घाइते भएका उनको ट्रमा सेन्टरमा उपचारको क्रममा मृत्यु भएको हो । टिप्पर चालकको खोजी भइराखेको प्रहरीले जनाएको छ ।