चितवनमा रास्वपा कार्यकर्ता र प्रहरीबीच झडप, प्रदर्शनकारीमाथि अश्रु ग्यास प्रहार (भिडियो)

चितवनमा रास्वपा कार्यकर्ता र प्रहरीबीच झडप भएको छ । सहकारी ठगी प्रकरणमा रास्वपा सभापति रवि लामिछानेको बयान जारी रहँदा कार्यकर्ताले विरोध प्रदर्शन गरेका छन् ।

उनीहरुलाई नियन्त्रणमा लिन प्रहरीले बल प्रयोग गर्दा झडपको अवस्था सिर्जना भएको हो । प्रहरीले प्रदर्शनकारीमाथि पानीको फोहोरा र अश्रु ग्यास समेत प्रहार गरेको छ ।

पूर्वगृहमन्त्री समेत रहेका रवि लामिछानेविरुद्ध सहारा चितवन सहकारी ठगी प्रकरणमा दोस्रो दिनको बयान चलिरहेको छ । सरकारी वकिलको कार्यालयमा चितवन जिल्ला न्यायाधिवक्ता शान्ति प्रसाद लुइँटेलको रोहबरमा लामिछानेको दोस्रो दिनको बयान जारी छ ।