विराटनगरका लोकेश बमको अर्धशतक

नेपाल प्रिमियर लिग (एनपीएल)मा विराटनगरका लोकेश बमले अर्धशतक पूरा गरेका छन् । बुधबार कीर्तिपुरस्थित त्रिवि क्रिकेट मैदानमा लुम्बिनीले दिएको १९२ रनको लक्ष्य पछ्याइरहेको विराटनगरबाट लोकेशले ३६ बलमा ५० रन पूरा गरेका हुन् । यसक्रममा उनले दुई चौका र चार छक्का प्रहार गरे । 

एनपीएलमा अर्धशतक पूरा गर्ने लोकेश बम सातौं खेलाडी हुन् । यसअघि जनकपुरका लाहिरु मिलान्था, विराटनगरका मार्टिन गप्टिल, जनकपुरका अनिल शाह, सुदूरपश्चिमाका दिपेन्द्र सिंह ऐरी र चितवनका रवि बोपारा र कर्णालीका शिखर धवनले अर्धशतक प्रहार गरेका थिए ।