मोटरसाइकल दुर्घटनामा कमेडियन हिक्मत महराको मृत्यु 

मोटरसाइकल दुर्घटनामा कमेडियन हिक्मत महराको मृत्यु भएको छ । गएराति गोदावरी नगरपालिका–४ भीमदत्त राजमार्ग सडकखण्डमा म २ प ९११७ नम्बरको मोटरसाइकल दुर्घटना हुँदा ३० वर्षीय महराको मृत्यु भएको हो । 

महराको सेती प्रादेशिक अस्पताल धनगढीमा उपचारका क्रममा मृत्यु भएको प्रहरीले जनाएको छ । महरा कञ्चनपुर शुक्लाफाँटा नगरपालिकाका–११ का स्थायीवासी हुन् । 

महरा कमेडी च्यासम्पियन सिजन–२ मा शीर्ष ४ सम्म पुगेको थिए । उक्त सिजनमा उनले राजनीतिक सटायरमा राम्रो छवि बनाएका थिए ।