त्रिवि क्रिकेट मैदानमा ब्रायन लारा
नेपाल भ्रमणमा रहेका वेस्ट इन्डिजका लेजेन्डरी क्रिकेटर ब्रायन लारा त्रिवि क्रिकेट मैदान पुगेका छन् ।
जारी नेपाल प्रिमियर लिगअन्तर्गत शनिबारका खेलहरू हेर्न उनी त्रिवि क्रिकेट मैदान कीर्तिपुर पुगेका हुन् ।
उनी शुक्रबार बिहान सवा ९ बजे काठमाडौं आइपुगेका थिए । लारा शनिबार छोरी सेड्नी लारासँगै एनपीएल हेर्न त्रिवि मैदान पुगेका हुन् । सो क्रममा उनले त्रिवि मैदानमा दर्शकदीर्घाअगाडि नै पुगेर समर्थकलाई अभिवादन गरे ।
यसअघि उनले गतवर्ष नेपाली क्रिकेट टोली टी-२० विश्वकपमा छनोट हुँदा बधाइ दिँदै उनले आफू नेपाल आउन चाहेको बताएका थिए ।
नेपाल विश्वकपमा छनोट भएको केही समयपछि एक नेपाली क्रिकेट फ्यानसँगको ट्वीट सम्वादमा उनले नेपाली टोलीको प्रशंसा गरेका थिए ।
