मासिक तथा त्रैमासिक किस्ता पुस मसान्तसम्म तिर्न सकिने

निषेधाज्ञा अवधिको २०७८ असारसम्म भुक्तानी गर्नु पर्ने मासिक तथा त्रैमासिक ( इएमआई/इक्यूआई)  वा अन्य साँवा ब्याज भुक्तानी गर्न नसकेका ग्राहकहरुको समय थप भएको छ ।

बैंक तथा वित्तीय स्थिति बैंक तथा वित्तीय संस्थाले मूल्याङ्कन गरी २०७८ पुस मसान्तसम्म भुक्तानी म्याद थप गर्न सक्ने व्यवस्था गरिएको छ । नेपाल राष्ट्र बैंकका गभर्नर महाप्रसाद अधिकारीले मौद्रिक नीति सार्वजनिक गर्दै यस्तो जानकारी गराएका हुन् ।

कोभिड महामारीबाट अति प्रभावित होटेल, ट्राभल, ट्रेकिङ, हवाई सेवालगायत पर्यटनमा निर्भर रहने व्यवसायी ऋणीको हकमा वित्तीय अवस्था विश्लेषण गरि आवश्यकता अनुसार २०७९ असार मसान्तसम्म पाक्ने व्याजको छुट्टै हिसाबमा राख्ने  व्यवस्था हुने भएको छ । यस्तो रकममा थप हर्जाना र पेनाल ब्याज नलाग्ने व्यवस्था मिलाइने अधिकारीले बताए ।