डिसहोमबाट पहिलोपटक ला लिगा सिजन प्रसारण
नेपाली टेलिभिजनको इतिहासमा पहिलोपटक डिसहोमले ला लिगा फुटबल लिगको ०२१०२२ सिजन प्रसारण गरिरहेको छ । डिसहोमको एक्सन स्पोर्टस एचडी २ च्यानलबाट उक्त लिग प्रसारण भइरहेको छ।
डिसहोमको सब्सक्राइबरहरुले दुई हजार रुपैयाँको सिजन टिकट किनेर एक्सन स्पोर्टस एचडी टु मा लिग अवधिभरका सबै खेलहरु हेर्न सक्ने छन् ।
इच्छुकले ला लिगाको सिजन टिकट खरिद गर्न नेपाल टेलिकमका प्रयोगकर्ताहरुले टोल फ्रि नम्बर १६०६० ०१२२००० र एनसेल तथा अन्य नेटवर्क प्रयोगकर्ताहरुले ९८०११५५००० वा ०१ ४२१७६६६ मा सम्पर्क गर्न सक्नेछन् ।
डिशहोमका सब्सक्राइबर्सहरुका लागि उपलब्ध रहेको ला लिगाको सिजन टिकट छिट्टै सिम टिभी, प्रभु टिभी र डिशहोमको ओटीटी डिशहोम गो मार्फत पनि उपलब्ध हुने डिसहोमले बताएको छ ।
लालिगा स्पेनको घरेलु तथा सबैभन्दा माथिल्लो दर्जाको फुटबल लिग हो । यो लिग ला लिगाको ९१ औं सिजन हो । १३ अगस्टदेखि सुरु भएको यो लिग २२ मेसम्म चल्नेछ । यस लिगमा बार्सिलोना, रियल म्याड्रिड, एट्लेटिको म्याड्रिड, भ्यालेन्सीया जस्ता उत्कृष्ट क्लब सहित जम्मा २० टिमले खेल्ने छन् ।
