प्रतिनिधि सभा सदस्यको टिप्पणीविरुद्ध राष्ट्रिय सभाले खेद प्रस्ताव पारित गर्नु दुःखद् होः सांसद पन्त

नेकपा (एमाले) का नेता एवं प्रतिनिधि सभा सदस्य रघुजी पन्तले प्रतिनिधि सभाका सदस्यको टिप्पणीलाई लिएर राष्ट्रिय सभाबाट खेद प्रस्ताव पारित गरिनु दुःखद् भएको बताएका छन् । आज (सोमबार) प्रतिनिधि सभालाई सम्बोधन गर्दै उनले यसरी दुई सदनबीच द्वन्द्वको वातावरण निर्माण गर्न नहुने बताएका हुन् । प्रतिनिधि सभाका सदस्य ज्ञानबहादुर शाहीको अभिव्यक्तिलाई लिएर हिजो राष्ट्रिय सभाले खेद प्रस्ताव पारित गरेको थियो । सांसद शाहीले राष्ट्रिय सभालाई बृद्धाश्रामको संज्ञा दिएका थिए ।

‘प्रतिनिधि सभाका एक जना माननीय सदस्यको टिप्पणीलाई लिएर राष्ट्रिय सभाले खेद प्रस्ताव पारित गरेको छ । त्यो आफैंमा दुःखद् हो । हामी यसबाट पाठ सिकौं, कसै व्यक्तिलाई दोस नदिउँ । दुवै सदनको काममा द्वन्द्व उत्पन्न हुने काम नगरौं,’– उनले भने ।