विराटनगर उच्च अदालतले कोशी प्रदेशका सामाजिक विकासमन्त्री बुद्धिकुमार राजभण्डारीलाई अदालतको अवहेलनासम्बन्धी मुद्दामा पाँच दिनभित्र आफैँ उपस्थित भएर लिखित जवाफ दिन आदेश दिएको छ ।
काममुकायम मुख्य न्यायाधीश सत्यमोहन जोशी थारु र न्यायाधीश किरणकुमारी गुप्ताको इजलासले पाँच दिनभित्र आफैँ उपस्थित भएर लिखित जवाफ पेस गर्न आदेश दिएको हो ।
उनलाई असार २० गते बयानका लागि अदालतमा उपस्थित हुन पनि आदेश दिइएको छ । प्रदेशमन्त्री राजभण्डारीले अदालतको आदेशविरुद्ध आपत्तिजनक अभिव्यक्ति दिएको भन्दै उनीविरुद्ध अदालतको अवहेलनाको निवेदन दर्ता गरेका थिए ।
