राजनीतिक दलसम्बन्धी अध्यादेश पेश भएपछि कसले के भने ?

नेकपा एकीकृत समाजवादीका अध्यक्ष माधव कुमार नेपालले आफ्ना १४ सांसदमाथिको कारबाहीको माग गर्नुको कुनै अर्थ नरहेको बताएका छन् । संसद् भवन नयाँ बानेश्वरमा सञ्चारकर्मीसँग कुरा गर्दै अध्यक्ष नेपालले सर्वोच्चले नै कुनै ह्विप नलाग्ने निर्णय गरेको अवस्थामा एमालेले गरेको कारबाही मागको कुनै अर्थ नरहेको बताए ।

बुधवार कारबाही सिफारिस गरिएका आफ्ना १४ सांसदलाई सभामुखले निष्कासन नगरेको र पार्टीले कारबाही गरेको व्यक्ति संसद्मा उपस्थित भएको भन्दै सदन अवरुद्ध रहेको थियो । अध्यक्ष नेपालले एमालेले संविधान र कानुन मिचेको बताए । त्यस्तै एकीकृत समाजवादीका नेतृ रामकुमारी झाँक्रीले एमाले संसद्मा स्तरहीन चरित्र देखाएको टिप्पणी गरेकी छिन् ।