इरानले आफ्ना नयाँ सर्वोच्च नेता मोज्तबा खामेनीलाई कुनै चोट नलागेको र पूर्ण रूपमा स्वस्थ रहेको दाबी गरेको छ।
इरानका विदेशमन्त्री अब्बास अराघचीले भनेका छन्, ‘खामेनी सामान्य रूपमा आफ्ना जिम्मेवारी निर्वाह गरिरहेका छन्।’
यसअघि बेलायती मिडिया आउटलेट द सनले फेब्रुअरी २८ मा अमेरिका-इजरायलले गरेको आक्रमणमा मोज्तबा घाइते भएको, एउटा खुट्टा काट्न परेको र त्यसबेलादेखि उनी कोमामा रहेको रिपोर्ट गरेको थियो।
यसबिच अमेरिकाका राष्ट्रपति डोनाल्ड ट्रम्पले पनि मोज्तबा घाइते भएको दाबी गरेका थिए।
तर ती सबै दाबीलाई इरानका विदेशमन्त्री अराघचीले खण्डन गरेका हुन्।
