काठमाडौंको बालुवाटारस्थित ललिता निवासको जग्गा प्रकरणमा प्रहरी हिरासतमा रहेर जिल्ला अदालत काठमाडौंको आदेशमा धरौटीमा थुनामुक्त भएपनि धरौटी बुझाउन नसकेपछि एक जना आरोपीत कारागार चलान भएका छन् ।
नापी कार्यालय मैतिदेवी काठमाडौंका तत्कालीन अमिन अरूणकमार श्रेष्ठ केन्द्रीय कारागार जगन्नाथदेवलमा चलान भएका हुन् । अदालतले उनीसँग ७ लाख ५० रुपैयाँ धरौटी माग गरेको थियो ।
आइतबार ललिता निवासको जग्गा प्रकरणमा पक्राउ परेका १८ जनामध्ये केशव तुलाधरलाई साधारण तारेख र अन्य १७ जनालाई धरौटीमा छाड्न जिल्ला अदालत काठमाडौंका न्यायाधीश भोलानाथ ढकालको एकल इजलासले ओदश दिएको थियो ।
आइतबार इजलासले भाटभटेनी सुपरमार्केटका सञ्चालक मीनबहादुर गुरूङसँग दुई करोड ४६ लाख धरौटी माग गरेको थियो । धरौटी बुझाएर उनी आइतबार राति नै छुटेका थिए ।
