सभामुखले संसदको गरिमा कायम राख्न नसकेको प्रधानमन्त्रीको आरोप

प्रधामनमन्त्री केपी शर्मा ओलीले सभामुख अग्नी प्रसाद सापकोटाले ससंदको गरिमा कायम राख्न नसकेको आरोप लगाएका छन ।
बुधबार देशवासीका नाममा सम्वोधन गदैं ओलीले एमसीसी संसदमा निर्णयार्थ पेश नगरिनु सभामुखको कमजोरी भएको र यसले संसदको गरिमा कायम राख्न नसक्ने भन्दै सभामुख अग्नी सापकोटाप्रति असन्तुष्टि जनाएका हुन ।

नयाँ वर्षका अवसरमा सिंहदरबारबाट प्रत्यक्ष टेलिभिजन सम्वोधन गर्दै उनले सभामुखप्रति यस्तो आरोप र असन्तुष्टि व्यक्त गरेका हुन । ओलीले भने, ‘एमसीसीलाई सरकारले संसदमा लगे पनि निर्णयार्थ प्रस्तुत गर्न दिइएको छैन । सरकारले लगेको विषयलाई संविधान बमोजिम निर्णयार्थ पेश गर्नुपर्ने हो । तर, संविधानै नमान्ने र जिद्दी गर्ने कामले संसदको गरिमालाई कायम गर्न सकेको छैन ।

यस्तै सम्वोधनमा प्रधामनमन्त्री ओलीले सरकार सकेसम्म लकडाउनमा जान नचाहेको स्पष्ट पारेका छन । लकडाउनका विषयमा चलेका हल्ला गलत भएको भन्दै ओलीले भने । आजै लकडानको कुनै योजना छैन । परिस्थिति बिग्रयो भने त्यहाँसम्म पुग्न सक्छ ।