दाङमा टिप्परको ठक्करबाट एक युवकको मुत्यु भएको छ । तुलसीपुर उपमहानगरपालिका–४ हर्नेटीमा बिहिबार साँझ ६ बजे टिप्परले ठक्कर दिदा कपुरकोट गाउँपालिका–३ का १८ वर्षिय आकाश सेनको मुत्यु भएको प्रहरीले बताएकाे छ ।
सल्यानको कपुरकोटबाट तुलसीपुरतर्फ आउँदै गर्दा रा १ प ३१७९ नम्बर मोटरसाइकलमा सवार सेनलाई रा १ ख ११२३ नम्बरको टिप्परले ओभरटेक गर्ने ठक्कर दिएपछि गम्भिर घाइते भएका थिए ।
उनको उपचारका क्रममा राप्ती प्रादेशिक अस्पतालमा मुत्यु भएको हो । उनको मत्युपछि मृतकका आफन्तले कपुरकोट–तुलसीपुर सडकखण्डमा टिप्पर सञ्चालनमा रोक लगाएका छन् ।
दोषीलाई कार्बाही नहुँदासम्म र पिडितका आफन्तले क्षतिपूर्ति नपाउँदासम्म टिप्पर सञ्चालन गर्न नदिने मृतक परिवारको माग छ ।
