‘म यस्तो गीत गाउँछु २’ को ओपनिङ व्यापार सन्तोषजनक

काठमाडौं । फागुन १३ गतेबाट देशभरका सिनेमा हलमा प्रदर्शन भइरहेको चलचित्र ‘म यस्तो गीत गाउँछु २’ले बक्स अफिसमा राम्रो सुरुवात गरेको छ । उक्त चलचित्रले दुई दिनमा नै एक करोड ८० लाख रुपैयाँको ग्रस कलेक्सन गरेको निर्माणपक्षले दाबी गरेको छ ।

यो चलचित्रले शुक्रबार देशभरका हलमा ७० लाखको व्यापार गरेको छ । त्यस्तै शनिबार एक करोड १० लाखको व्यापार गरेको निमार्ण पक्षले बताएको छ ।आइतबार पनि चलचित्रको व्यापार सुखद् रहेको भन्दै करणले तीन दिनमा दुई करोड माथिको ग्रस कलेक्सन भएको बताइएको छ ।

निर्माणपक्ष, वितरक र प्रदर्शकको आँखा अब मंगलबार परेको शिवरात्रीको बिदामा छ । अधिकांश मल्टिप्लेक्सहरुले मंगलबारका लागि चलचित्रको शो वृद्धि गरिसकेका छन् ।