रुस र बेलारुसका राष्ट्रपतिबीच भेटवार्ता हुँदै
रुस र बेलारुसका राष्ट्रपतिबीच शुक्रबार भेटवार्ता हुँदै छ । रुसका राष्ट्रपति भ्लादिमिर पुटिन र बेलारुसका राष्ट्रपति अलेक्जेन्डर लुकाशेन्कोबीच रुसको राजधानी मस्कोमा भेटवार्ता हुन लागेको हो ।
रुसी राष्ट्रपतिका प्रवक्ता डिमित्री पेस्कोभले रुस र युक्रेनका बीचमा अहिले भइरहेको युद्ध रोक्ने विषयमा नै उनीहरूको भेटवार्ता केन्द्रित हुने जानकारी दिए ।
विभिन्न सञ्चार माध्यमहरूले यसअघि नै उहाँहरूका बीचमा भेटवार्ता हुन लागेको समाचार सम्प्रेषण गरेका थिए । “हो, बेलारुसका राष्ट्रपति भोलि मस्को आउँदै हुनुहुन्छ, उहाँले हाम्रा राष्ट्रपति पुटिनसँग भेटवार्ता गर्ने कार्यक्रम रहेको छ,” प्रवक्ता पेस्कोभले बिहीबार पत्रकारहरूसँग भनेका थिए ।
