धनगढी – कैलालीमा टिप्परले अटो रिक्सालाई ठक्कर दिदा एक बालकको मृत्यु भएको छ । पूर्वपश्चिम राजमार्ग अन्तरगत जिल्लाको गोदावरी नगरपालिका– ६ लालपुरमा बुधबार बिहान सुपप्र ०१००१ क २०२० नम्बरको टिप्परले सुपप्र०१००१ ह ४९१८ को अटोलाई ठक्कर दिएको थियो ।
ज्यान गुमाउनेमा गोदावरी नगरपालिका–७ का ४ वर्षीय बालक भरत ठकुल्ला रहेको जिल्ला प्रहरी कार्यालयका प्रवक्ता प्रहरी नायब उपरीक्षक वेदप्रकाश जोशीले बताए। ठकुल्लाको उपचारका क्रममा सेती प्रादेशिक अस्पतालमा मृत्युु भएको हो। उनकी आमा २९ वर्षीया पेन्टि ठकुल्ला घाइते छन्।
उनको अत्तरियास्थित पद्मा अस्पतालमा उपचार भइरहेको छ। अटो चालक २८ वर्षीय मोहन बोहरा समान्य घाइते छन्।टिप्पर र चालक धनगढी उपमहानगरपालिका ७ बस्ने ४२ वर्षीय प्रदिप चौधरीलाई इलाका प्रहरी कार्यालय मालाखेतिले नियन्त्रणमा लिएको छ।
