उत्तर कोरियाको क्षेप्यास्त्र परीक्षण असफल !
काठमाडौं । उत्तर कोरियाको एउटा ‘क्षेप्यास्त्र’ परीक्षण असफल भएको छ । उत्तर कोरियाले बुधबार प्रहार गरेको क्षेप्यास्त्र परीक्षण असफल भएको हो ।राजधानी प्योङयाङको एउटा विमानस्थलनजिकैबाट सो क्षेप्यास्त्र प्रहार गरिएको थियो । त्यस स्थानबाट यसअघि पनि उत्तर कोरियाले क्षेप्यास्त्र परीक्षण गरेको थियो । जसमध्ये अन्तरमहादेशीय क्षेप्यास्त्र भएको अमेरिकाले दाबी गरेको थियो ।
स्थानीय समयानुसार बुधबार बिहान ९ः३० (००ः३० जीएमटी) मा प्रहार गरिएको क्षेप्यास्त्र प्रक्षेपण गर्नबित्तिकै असफल भएको देखिएको सोलका संयुक्त सैन्य बल प्रमुखले एक वक्तव्यमा भनेका छन् । सो क्षेप्यास्त्र लगभग २० किलोमिटरको उचाइमा विस्फोट भएको ठानिएको छ ।
