किएभको सबै क्षेत्र फेरि आफ्नो नियन्त्रणमा आएको युक्रेनको दाबी

तर पश्चिमा विश्लेषकहरूले त्यसअघि नै रुसको आक्रमण रोकिएको बताएका थिए। आइतवार बिहान कृष्णसागरको तटमा रहेको बन्दरगाह सहर ओडेसामा विस्फोटनहरू भएको सुनिएको छ। किएभ वरपरका प्रमुख स्थानहरूको अवस्थाबारे यहाँ उल्लेख गरिएको छ।

युक्रेनका राष्ट्रपति भोलोदिमिर जेलेन्स्कीले शनिवार गरेको सम्बोधनमा रुसको आँखा युक्रेनको पूर्वी र दक्षिणि भेगमा परेको टिप्पणी गरेका छन्। “रुसी सैनिकहरूको लक्ष्य के हो? उनीहरू डोन्बास र युक्रेनको दक्षिणी कब्जा गर्न चाहन्छन्,” उनले भने।

उनका अनुसार युक्रेनले पनि आफ्नमो ध्यान पूर्वतिर दिन थालेको छ। “शत्रुसँग पूर्वमा दबाव बढाउन जगेडा छ भन्ने हामीलाई थाहा छ,” उनले भने। यूकेको रक्षा मन्त्रालयले युक्रेनमा जारी द्वन्द्वबारे थप जानकारी दिएको छ।

सैन्य गुप्तचर संयन्त्रले उपलब्ध गराएको सूचनाका आधारमा यूकेले रुसी वायुसेना युक्रेनको दक्षिणपूर्वमा सक्रिय भएको देखिएको बताएको छ। त्यसको अर्थ रुसको रणनीति फेरिएको उसको बुझाइ छ। बीबीसी नेपाली