जी-बबले गाए ‘ए मेरो हजुर ४’ का लागि गीत
काठमाडौं । जी–बब नामले चर्चित र्यापर सुदीप भण्डारी पछिल्लो समय सामाजिक सञ्जालमा चर्चित छन् । एएनटीएफ गायन प्रतिस्पर्धाबाट उनी चम्केका हुन् ।
उनै जी–बबले अनमोल केसी स्टारर ‘ए मेरो हजुर ४’को एउटा गीत गाएका छन् । गीतमा उनकै शब्द र संगीत रहेको जनाइएको छ ।
अनमोल र जी–बबबीच बुधबार बेलुका नयाँ बानेश्वरको एक रेस्टुरेन्टमा भेटघाट समेत भएको जनाइएको छ । भेटघाटको तस्वीर सार्वजनिक भएको छ । जहाँ फिल्म र गायन विधाका दुई स्टारलाई देख्न सकिन्छ ।
स्रोतका अनुसार जी–बबले गाएको गीतलाई चाँडै रिलिज गर्ने तयारी छ । एएनटीएफ प्रतिस्पर्धाको फाइनलबाट अचानक हराएपछि जी–बब सबैको खोजीका पात्र समेत थिए । टिकटकमा उनका गीत अहिले पनि भाइरल बनिरहेका छन् ।
