यस्ता छन् घ्युकुमारीका फाइदा

नेपालका गाउँघरमा एलोभेरालाई घ्युकुमारीका नामले चिन्ने गरिन्छ । हामीले प्रयोग गर्ने विभिन्न सौन्दर्य प्रसाधनका सामग्रीमा एलोभेराको अत्याधिक प्रयोग भएको हुन्छ । आजभोली सौन्दर्य निखार्नका लागि बजारमा पाइने विभिन्न किसिमका हर्बल कस्मेटिक प्रोडक्टमा एलोभेरा प्रयोग भएको जेल, बडी लोसन, हेयर जेल, स्किन जेल, स्याम्पु, साबुन, फेसियल फोम र ब्युटी क्रिममा पाइन्छ ।

बहुउपयोगी वनस्पतिका रुपमा मानिने एलोभेरा धेरै प्रकारका स्वास्थ र सौन्दर्य समस्यालाई समाधान गर्न सहयोग गर्छ । एलोभेरालाई आयुर्वेद विज्ञानमा धेरै पहिलेदेखि नै विभिन्न खालका स्वास्थ्य समस्याको निदानका लागि औषधिको रुपमा प्रयोग गरिएको पाइन्छ । यो वनस्पतिका अनेकन गुण छन् ।