यशको संघर्षको कथा : घरबाट भागेर कसरी बने सुपरस्टार ?

“भोयलेन्स… भोयलेन्स…भोयलेन्स ! आई डन्ट लाइक इट.  आई अभ्वाइड…बट…भोयलेन्स लाइक्स् मी ।” यो डाइलग ‘केजीएफ–२’ को हो । यो चलचित्र यशका स्टारकास्ट र एक्सनका कारण चर्चामा छ । र, अभिनेता यश हेडलाइनमा छन् ।

यो चलचित्र कन्नाडा चलचित्र हो । केजीएफको पहिलो भाग २०१८ मा कन्नाडा र हिन्दीलगायत भाषामा रिलिज भएको थियो । केजीएफ २ मा सुपरस्टार यशसँगै संजय दत्त, रविना टण्डन र प्रकाश राज मुख्य भूमिकामा छन्।यशको फिल्मी संसारमा यात्रा पनि फ्ल्याट स्क्रिप्टेड फिल्म होइन । यसमा धेरै ट्विस्टहरू छन्- ड्रामा छ, घरबाट भागेको कथा छ, पछाडिको स्टेजबाट पर्दामा आउने नायकको कथा छ।

‘फिल्म कम्प्यानियन’लाई दिएको अन्तर्वार्तामा यशले भनेका थिए, ‘जब म यो उद्योगमा नयाँ थिएँ, मलाई लाग्थ्यो तपाई कुन पृष्ठभूमिबाट आउनुभएको हो, कहाँबाट आउँदै हुनुहुन्छ भन्ने कुराले फरक पर्दैन । तपाईंलाई आफ्नो काम मनपर्छ वा छैन भन्ने कुरामा भर पर्छ। दर्शकहरू तपाईंसँग जोडिन सक्षम छन् वा छैनन्।’

यशको यात्रा नवीन कुमार गौडाबाट सुरु भएको हो । तर  ‘बलिउड हंगामा’बाट यस नामले बोलाइन्छ भन्ने प्रश्नमा उनी भन्छन्, ‘कसैले उनलाई त्यो नामले बोलाउँदा उनको पहिलो प्रतिक्रिया हुनेछ, ‘उनी को हो ?’ किनकी धेरैले उनलाई यो नामले चिन्दैनन् ।

चलचित्र जगतमा कसरी सुरुवात गरे ?
यशका बुबा बीएमटीसीमा बस चालक थिए र आफ्नो छोरा सरकारी अधिकारी बनोस् भन्ने चाहना रहेको थियो । तर, यशलाई अर्कै कुरा मन पर्यो । उनी नाटक र नृत्य प्रतियोगितामा भाग लिने गर्दथे र त्यसबेला बज्ने सिट्टीले आफूमा हुर्केका कलाकारलाई उर्जा दिन्थे ।

यशका अनुसार उनलाई बाल्यकालदेखि नै अभिनेता बन्ने रहर थियो । उनी नाटक र नृत्यमा भाग लिन्थे । उनलाई दर्शकले हर्षोल्लास गर्दै ताली बजाउँदै र सिट्टी बजाएको देख्न मन पराउँथे र जब दर्शकले त्यसो गरे, उनलाई आफू नायक भएको महसुस गरे ।

उनले घरबाट भागेर हिरो बन्न बैंगलोर पुगेको बताए । तर, त्यहाँ पाइला टेक्नेबित्तिकै नर्भस भए । उनको खल्तीमा जम्मा ३ सय रुपैयाँ मात्र थियो तर फर्कने सोच यस्तो थियो कि फर्किए भने परिवारका सदस्यले फिर्ता कहिल्यै फिर्ता पठाउने छैनन् ।

संघर्षसँग नडराएको उनी बताउँछन् । बैंगलोरमा उनले थिएटरको साथ ब्याकस्टेज काम गर्न थाले। चलचित्र उद्योगको संघर्ष पनि एकैसाथ चल्यो ।

यशले फिल्म उद्योगमा आफ्नो करियर २००८ को कन्नड फिल्म मोगिना मनसुबाट सुरु गरे। यस फिल्मका लागि उनले ‘बेस्ट सपोर्टिङ एक्टर’को फिल्मफेयर अवार्ड पनि पाएका थिए। त्यसपछि उनी ‘राजधानी’, ‘गजकेसरी’, ‘मास्टरपिस’ जस्ता फिल्मबाट लोकप्रिय भए ।

व्यक्तिगत जीवनको कुरा गर्ने हो भने उनले अभिनेत्री राधिका पण्डितसँग विवाह गरेका छन् । राधिका र यशले धेरै अन्तर्वार्तामा आफूहरू एकअर्काका लागि बनेको महसुस गरेपछि धेरै वर्षको डेटिङपछि विवाह गरेको बताए । दम्पतीका दुई सन्तान छन् ।

सफलताको कामना
यश बलिउडमा नवाजुद्दीन सिद्दिकीसँग काम गर्न चाहन्छन् किनभने उनी उनलाई उत्कृष्ट अभिनेता मान्दछन्।उनी शाहरुख खानलाई आफ्नो प्रेरणा मान्छन् । यशले अमिताभ बच्चनलाई ‘सच्चा सज्जन’ भन्छन् । यशले आफ्ना पुरानो अन्तर्वार्तामा दर्शकले मन पराउने गरेको पनि उनको गाउँबाट नायकसम्मको यात्रा भएको र यही कुराले दर्शकलाई प्रेरणा दिएको बताए ।