केबलकार आपसमा ठोक्किँदा दुई जनाको मृत्यु, १० जना घाइते
भारतमा केबलकार आपसमा ठोक्किँदा दुई जनाको मृत्यु भएको छ। आइतबार झारखण्डको देउघर जिल्लाको त्रिकुट पहाडमा रहेको रोपवेमा चलिरहेका दुई केबलकार ठोक्किँदा कम्तिमा दुई जनाको मृत्यु भएको हो ।
यस्तै अन्य दशजना घाइते भएका छन् । त्योसँगै अन्य केबलकार पनि जहाँको त्यहीँ रोकिएका थिए।
हिन्दुस्तान टाइम्सका अनुसार केबलकारमा अड्किएकाहरूको सोमबार दिउँसोसम्म उद्धार हुन सकेको छैन् । रोपवेका कम्तीमा १२ वटा केबिनमा ५० जना अझै फसेका छन् ।
प्रारम्भिक अनुसन्धानका क्रममा प्राविधिक कारणले घटना भएको देखिएको छ । घटनापछि केबलकारबाट हाम फाल्ने प्रयास गर्दा एक जोडी गम्भीर घाइते भएका छन् । केबलकारमा रोकिएकाहरूलाई ड्रोनको सहायताले खाना र पानी पुर्याइएको छ। भारतीय वायु सेनाको हेलिकप्टरको सहायताले उनीहरूको उद्धार प्रयास भइरहेको छ।
उक्त त्रिकुट केबलकार भारतको सबैभन्दा अग्लो ठाडो केबलकार हो ।
