गायिका समीक्षा अधिकारीको स्वरमा ‘नो मनी, जोगी बनि डुल्छु फनफनी’

गायिका समीक्षा अधिकारीको स्वरमा नयाँ गीत सार्वजनिक भएको छ । गायिका अधिकारी र कृष्ण काफ्लेको स्वरमा रहेको ‘नो मनी जोगी बनि डुल्छु फनफनी’ बोलको गीत सार्वजनिक भएको हो ।

गीतमा विजय गिरीको शब्द, सरोज प्याकुरेलको संगीत र विषम आचार्यको संगीत संयोजन रहेको छ । गीतको भिडियोमा सुरेश कोहली र मनीषा थापाले अभिनय गरेका छन् ।

भिडियोको कथावस्तुमा पैसा नभएका साथी सर्कलको रमाइला घटनाहरू समेटिएको छ । घरबाट अभिभावकले पकेट मनि नदिने, पैसा पाउँदा पनि मोबाइलको डाटामा सकिने, पढाइमा कम मायामा बढी ध्यान जाने लगायतका विषय गीतमा समेटिएको छ ।