सुर्खेतमा इनार सफा गर्ने क्रममा दुई जनाको मृत्यु भएको छ ।
वीरेन्द्रनगर नगरपालिका-११ पिपिरामा तोरण विकको घर आँगनमा इनार सफा गर्ने क्रममा निस्सासिएर दुई जनाको मृत्यु भएको जिल्ला प्रहरी कार्यालय सुर्खेतका डिएसपी वीरेन्द्रविर विश्वकर्माले जानकारी दिए । मृत्यु हुनेमा स्थानीय ३२ वर्षीय विदुप्रसाद रेग्मी र ३१ वर्षीय लक्ष्मी कँडेल रहेका छन् ।
सफा गर्दा अक्सिजनको अभाव हुँदा बेहोस भएपछि कर्णाली प्रदेश अस्पताल लगिएको थियो । तर अस्पताल पुर्याउन बित्तिकै चिकित्सकले उनीहरूलाई मृत घोषणा गरेको हो ।
