वैवाहिक जीवनमा बाँधिए स्वप्न सुमन र ज्योत्सना

युवा पुस्तामाझमा चर्चित गायक स्वप्न सुमनले विवाह गरेका छन् । उनले मोडल ज्योत्सना योगीसँग विवाह गरेका हुन्।  उनीहरुले बिहीबार परम्पराअनुसार विवाह गरेका हुन् ।

विवाहपछि सामाजिक सञ्जाल तस्वीर सेयर गर्दै उनीहरुले यस विषयमा जानकारी दिएका हुन् । स्वप्न र ज्योत्सना केही समयदेखि प्रेम सम्बन्धमा थिए ।

उनीहरुको वैवाहिक कार्यक्रममा परिवारभित्रका सदस्यहरुलाई आमन्त्रण गरिएको बताइएको छ। सानो जमघटका बीच दुई विवाह बन्धनमा बाँधिएका हुन् ।

युट्युबबाट आफ्नो गायन यात्रा सुरु गरेका गायक सुमनका थुप्रै गीतहरु युवापुस्ता माझमा चर्चित छन् ।