यस्तो छ आज राति वर्षाको सम्भावना

सोमबार साँझ देशभर मौसम आंशिकदेखि साधारणतया बदली आकाशमा बादल रही कोशी, मधेस, बागमती, गण्डकी, लुम्बिनी र कर्णाली प्रदेशका एकरदुई स्थानमा हल्का वर्षा भइरहेको मौसम पूर्वानुमान महाशाखाले जनाएको छ ।

महाशाखाका अनुसार राति पनि मौसम देशभर आंशिकदेखि साधारणतया बदली रहने छ। अनि कोशी, मधेस, बागमती र गण्डकी प्रदेशका केही स्थान तथा बाँकी प्रदेशका थोरै स्थानमा मेघगर्जन/चट्याङसहित हल्कादेखि मध्यमसम्म वर्षा हुने सम्भावना छ ।

साथै कोशी, बागमती र गण्डकी प्रदेशका एकरदुई स्थानमा भारी वर्षा हुने सम्भावना रहेको महाशाखाले जनाएको छ ।