फिल्म ‘हड्डी’ को फर्स्टलुक रिलिज

एजेन्सी । भातीय अभिनेता नवाजुद्दीन सिद्दीकी अभिनित फिल्म ‘हड्डी’ को मोसन पोस्टर रिलिज भएको छ ।

नवाजुद्दीन आफ्नो चुनौतीपूर्ण र अद्वितीय भूमिकाका लागि परिचित छन्। यसैबीच मंगलबार उनको आगामी फिल्मको मोसन पोस्टर रिलिज भएको हो । पोस्टरमा नवाजुद्दीन ग्ल्यामरस महिलाको अवतारमा देखिएका छन् । पोस्टर हेरेर उनलाई चिन्नै गाह्रो छ ।

मोशन पोस्टरमा नवाजुद्दीन ग्रे कलरको पहिरनमा स्टाइलिस स्टाइलमा पोज दिइरहेका छन् । नवाजको फिल्मको यो रोचक लुक देखेर फ्यानहरूको उत्साह बढेको छ । उनको यो फिल्म बदलाको कथामा आधारीत छ । यो फिल्म आनन्दिता स्टुडियो र जी स्टुडियोको प्रोडक्सन ब्यानरमा निर्माण भएको हो। फिल्मलाई सन् २०२३ मा रिलिज गर्ने निर्माण टीमले योजना बनाएको छ ।

फिल्मको पोस्टर हेरेपछि धेरै सामाजिक सञ्जाल प्रयोगकर्ताहरूले नवाजुद्दीन को प्रशंसा गरिरहेको भारतीय सञ्चार माधयमले जनाएका छन् । नवाजको पछिल्लो फिल्म ‘हिरोपन्ति २’ थियो, जसमा उनी भिलेनको भूमिकामा देखिएका थिए ।