नोराले विश्वकपको समापन र उद्घाटन समारोहमा प्रस्तुती दिने

फुटबलको सबैभन्दा ठूलो प्रतियोगिता फिफा विश्वकप नोभेम्बर २० बाट सुरु हुँदैछ । प्रतियोगिता एसियाली राष्ट्र कतारले आयोजना गरेको हो । यसैबीच फिफाले विश्वकपका लागि आफ्नो गान ‘लाइट द स्काई’ सार्वजनिक गरेको छ । यो गीतमा नोरा फतेही पनि नाच्दै देखिएकी छिन् । फिफाले यसको भिडियो आफ्नो युट्युब च्यानल र ट्विटरमा सेयर गरेको छ । नोराअघि जेनिफर लोपेज, शकिराले पनि फिफा विश्वकपमा प्रदर्शन गरिसकेका छन् ।

शकिरा र जेनिफर पनि
यसअघि साकिरा र जेनिफर लोपेजले फिफा विश्वकपमा पनि प्रदर्शन गरिसकेका छन् । नोरा फतेही यस वर्षको फिफा म्युजिक भिडियोमा नृत्य प्रस्तुत गर्ने अर्को कलाकार हुन्। नोराले प्रस्तुति दिने उक्त गीतलाई विश्वकै चर्चित कीर्तिमान निर्माता मध्येका एक चर्चित संगीत निर्माता रेडवनले कम्पोज गरेका हुन् । विगतमा, रेड वानले शाकिराको वाका वाका र ला ला ला जस्ता फिफा गीतहरूमा पनि काम गरेकी छन् ।

नोराको प्रस्तुति समापन र उद्घाटन समारोह हुने
नोराले फिफाको उद्घाटन र समापन समारोहमा परफॉर्म गर्नेछिन् । यसका लागि उनले सम्झौता गरेकी छन्, जुन कुनै पनि कलाकारका लागि विरलै हुन्छ । मिडिया रिपोर्टलाई विश्वास गर्ने हो भने नोरा समापन समारोहमा एक लोकप्रिय हिन्दी गीतमा नाच्दै देखिनेछिन्।

६४ खेल 
मध्यपूर्वको कुनै देशले फिफा विश्वकप आयोजना गर्ने यो पहिलो पटक हुनेछ । यस प्रतियोगितामा ३२ टोलीले जम्मा ६४ खेल खेल्नेछन् । जसमा विश्वभरका उत्कृष्ट फुटबलरहरु सहभागी हुनेछन् । यसमा अर्जेन्टिनाका स्टार फुटबलर मेस्सी र अन्तर्राष्ट्रिय फुटबलका सर्वाधिक गोलकर्ता रोनाल्डो पनि खेल्नेछन् । दुवै खेलाडीका लागि यो अन्तिम विश्वकप हुनसक्छ ।

कतारले यो वर्ष फिफा विश्वकप आयोजना गर्ने भएको छ । यो फिफा विश्वकपको २२ औं संस्करण हो। एसियामा दोस्रो पटक विश्वकप आयोजना हुन लागेको हो । यसअघि सन् २००२ मा जापान र दक्षिण कोरियाले सँगै विश्वकप आयोजना गरेका थिए । कतार विश्वकप आयोजना गर्ने सबैभन्दा सानो देश हो। ३० लाख जनसंख्या भएको देशले फिफा विश्वकपमा १५ लाख दर्शकको अपेक्षा गरेको छ ।

कतारका ५ सहरका ८ वटा रंगशालामा खेल हुनेछन् । सबै स्टेडियमहरू राजधानी दोहाको ५५ किलोमिटरको दायरामा अवस्थित छन्। खलिफा अन्तर्राष्ट्रिय रंगशाला सन् १९७६ देखि सञ्चालनमा आएको छ । विगत ३ वर्षमा विश्वकपका लागि अन्य सबै स्टेडियम बनिसकेका छन् ।