गायक प्रकाश दूतराजद्वारा आत्महत्याकाे प्रयास

काठमाडौं – गायक प्रकाश दूतराजले अष्ट्रेलियामा आत्महत्या प्रयास गरेका छन् । सांगीतिक कार्यक्रमका लागि अष्ट्रेलिया गएका उनले आइतबार राति २ बजे झुण्डिएर आत्महत्या गर्ने प्रयास गरेका हुन् ।

आफू बसिरहेको कोठामा प्रकाशले झुण्डने प्रयास गरेका थिए । त्यसक्रममा एउटै फ्ल्याटमा रहेकीगायिका भूमिका गिरीले देखेपछि उनको उद्धार गरिएको आयोजक टिमले जनाएको छ । दूतराजको अवस्था अहिले सामान्य छ । उनले आत्महत्या प्रयास गर्नुको कारण खुलाएका छैनन् ।

गायिका भूमिका गिरीसहित दूतराज कन्सर्टका लागि गत २० अक्टोबरमा अष्ट्रेलिया गएका थिए । दूतराज र भूमिका अहिले केही दिनपछि अष्ट्रेलियाबाट फर्किने कार्यक्रम छ । उनले गाएका घर कता हो बैनीको, जाम भो माइली लगायत गीतहरू चर्चित छन् ।