ए डिभिजन लिग : खुमलटारलाई एनआरटीले हरायो

काठमाडौँ । यसै सिजन बढुवा भएको खुमलटार यूथ क्लबलाई मंगलबार ३–१ गोल अन्तरले पराजित गर्दै न्युरोड टिम (एनआरटी)ले राजधानीमा जारी सहिद स्मारक ए डिभिजन लिगमा दोस्रो जित निकालेको छ ।

त्रिपुरेश्वरस्थित दशरथ रंगशालामा भएको १० औं चरणको पहिलो खेलमा एनआरटीले सुखद् नतिजा निकालेको हो । एनआरटीलाई जित दिलाउन सरोज तामाङ, सञ्जीव बिष्ट र मोहित गुरुङले समान एक गोल गरे ।

खुमलटारका श्याम मुर्मूले एक गोल फर्काए । जितसँगै एनआरढीले तालिकामा १० खेलबाट १० अंक नै बनाएको छ । यस अघि एनआरटीले चार बराबरी र चार हारको नतिजा भोगेको छ । उता पराजय व्यहोरेको खुमलटारको समान खेलबाट तीन जित, एक बराबरी र ६ हारको नतिजासहित १० अंकका साथ एनआरटी भन्दा एक स्थान मुनी ११ औं स्थानमा छ ।