युरोपेली च्याम्पियन्स लिग : इन्टर १३ वर्षपछि फाइनलमा

इन्टर मिलान १३ वर्षपछि पहिलो पल्ट मंगलबार युरोपेली च्याम्पियन्स लिगको फाइनल पुगेको छ । इन्टरले सेमिफाइनल दोस्रो लेगमा एसी मिलानलाई १–० ले पराजित गर्दै फाइनलमा आफ्नो स्थान बनाएको हो । इन्टरले समग्रमा ३–० को अग्रता लियो ।

सानसिरोमा मंगलबार राति भएको खेलको पहिलो हाफ भने गोलरहित बराबरीमा टुंगिन पुग्यो । निकै रोचक र तिव्र प्रतिस्पर्धात्मक देखिएको खेलमा दुवै पक्षले एक अर्का माथी दबाब बढाएका थिए तर दुवै पक्षले पहिलो हाफमा गोल गर्न सकेनन । तर, लोउटारो मार्टिनेजले ७४ औं मिनेटमा रोमेलु लुकाकुको पासमा गोल गर्न सफल भएका थिए । उनले सोही गोलबाट मिलानलाई १३ वर्ष पछि फाइनल यात्राका लागि सहज बनाई दिए ।

अब फाइनलमा इन्टरले ‘अन्डर–डग’ का रूपमा रियल म्याड्रिड अथवा म्यानचेस्टर सिटीको सामना गर्नेछ । दोस्रो सेमिफाइनलको दोस्रो लेग बुधबार राति हुँदै छ । फाइनल जुन १० मा इस्टानबुलमा हुनेछ ।

सानसिरोमा भएको दोस्रो लेगको सेमिफाइनलको ७४ औं मिनेटमा लउटारो र्मार्टिनेजले निर्णायक गोल गरे । इन्टर पहिलो लेगमा २–० ले विजयी रहेको थियो ।