नरेनको शतकमा नेपालले दियो मलेसियालाई २५३ रनको लक्ष्य

एसिसी यू-१६ इस्ट जोन कपको उपाधि जित्न नेपालले घरेलु टिम मलेसियालाई २५३ रनको लक्ष्य दिएको छ ।

मलेसियाको बायुमास ओभलमा भइरहेको फाइनलमा टस जितेर पहिले ब्याटिङ गरेको नेपालले निर्धारित ३५ ओभरमा ८ विकेटको क्षतिमा २५२ रन जोड्यो ।

नेपालका लागि नरेश भट्टले शतक प्रहार गर्न सफल भए । उनले नटआउट ११२ रन जोड्ने क्रममा ८९ बलमा १० चौका र २ छक्का प्रहार गरे ।

त्यसअघि ओपनरद्वय सूर्यान्सु कोइराला १८ रन र निरजकुमार यादव ४७ रन जोडेर आउट भए ।

दीपु कुमार ५ रन र प्रतिक भट्टराई १ रनमा रनआउटको सिकार भए । यस्तै सन्तोष यादवले २६ रनको योगदान गर्दा कप्तान अभिषेक तिवारी ४ रन र अशोक धामी ११ रनमा आउट भए ।

बलिङमा मलेसियाका मोहमद अक्रमले ३ विकेट लिए ।