आइएमई पेबाट पहिलो पटक एयरलाइन्सको टिकट काट्नेलाई ५ सय रुपैयाँ क्यासब्याक

आइएमई पेले एयरलाइन्सको टिकट खरिदमा ५ सय रुपैयाँ क्यासब्याक दिने भएको छ । यस अफर अन्तर्गत सेवाग्राहीले आइएमई पे मार्फत पहिलो पटक टिकट खरिद गर्दा ‘FLYIME’ प्रोमो कोड प्रयोग गरी क्यासब्याक पाउन सक्ने कम्पनीले जनाएको छ ।

सेवाग्राहीहरुलाई विद्युतीय भुक्तानी माध्यममार्फत सहजै एयरलाइन्स टिकट काट्न प्रोत्साहन गर्ने उद्देश्यका साथ ल्याइएको यो अफर भदौ २४ देखि सुरु भएको हो ।

पहिलो एक हजार योग्य सेवाग्राहीलाई यो छुट प्रदान गरिने आइएमई पेले जनाएको छ । यो अफर पहिलो पटक एयरलाइन्स टिकट काट्ने सेवाग्राहीहरूलाई सीमित अवधिका लागि प्रदान गरिने बताइएको छ ।