भारतद्वारा क्यानाडामा भिसा सेवा अनिश्चतकालका लागि स्थगन

भारतले क्यानडामा जारी भिसा सेवालाई स्थगन गरेको जनाएको छ ।

बीबीसीका अनुसार क्यानडाको भारतीय भिसा सेन्टरले आफ्नो वेबसाइटमा यस विषयमा जानकारी दिएको हो । वेबसाइटमा भारतीय मिशनको तर्फबाट जारी सूचनामा भनिएको छ, ‘२१ सेप्टेम्बर २०२३ देखि भारतीय भिसा सेवालाई नयाँ सूचना जारी नभएसम्मका लागि निलम्बन गरिएको छ ।’

भारत र क्यानडाबीच पछिल्लो समय कुटनीतिक विवाद चर्केको छ । क्यानडाले पहिले भारतीय कुटनितिज्ञलाई निस्कासित गरेको थियो । लगतै भारतले पनि क्यानेडियन कुटनितिज्ञलाई देश छोड्न उर्दी जारी गरेको थियो ।