इजरायल-हमास द्वन्द्व राेक्न चीन मध्यस्थकर्ताको भूमिकामा !

इजरायल र हमासबीचको द्वन्द्व तीव्र बन्दै गएपछि अर्को घटनाले ध्यानाकर्षण गरिरहेको छ। चीन दुई पक्षबीच शान्तिको बाटो खोज्न मध्यस्थकर्ताको भूमिकामा आएको देखिन्छ ।

हमासलाई समर्थन गर्ने इरानसँग चीनको घनिष्ठ सम्बन्ध छ। यो विश्वास गरिन्छ कि चीनले इरानसँगको साझेदारीलाई परिस्थितिलाई सम्हाल्न प्रयोग गर्न सक्छ।

तर सन्तुलन कायम गर्न चीनलाई कठिनाइ भइरहेको छ। यसको कारण चीन लामो समयदेखि प्यालेस्टाइन मुद्दामा सहानुभूति राख्दै आएको छ। यो प्रवृत्ति चिनियाँ कम्युनिष्ट पार्टीका संस्थापक माओत्सेतुङको पालादेखि नै चल्दै आएको छ । माओले प्यालेस्टिनीहरूलाई हतियार पठाएका थिए।

पछि चीनले आफ्नो आर्थिक नीति परिवर्तन गर्यो। यस्तो बेला इजरायलसँगको सम्बन्ध सामान्य हुन थाल्यो । तर पनि चीनले प्यालेस्टाइनलाई समर्थन गरिरहने स्पष्ट पारेको थियो ।

हालैका दिनहरूमा चिनियाँ राष्ट्रपति सी जिनपिङ र अन्य अधिकारीहरूले स्वतन्त्र प्यालेस्टाइन राज्यको आवश्यकतामा जोड दिएका छन्।

द्वन्द्वमा एक पक्षले बेहोर्नुपरेको ठुलो नोक्सानीको बारेमा अनलाइनमा धेरै लेखिएको छ । राष्ट्रवादी ब्लगरहरूले त्यस्ता भावनाहरूलाई भड्काइरहेका छन्।

सरकारले इजरायली सरकारसँग वार्ता गर्न खोजिरहेको अर्थमा यो अवस्था चीनका लागि राम्रो होइन।