टी –२० विश्वकप: ओमनलाई हराउँदै समूह विजेता बन्ने लक्ष्यमा नेपाल

टी-२० विश्वकप एसिया छनोटमा आज नेपालले ओमानसँग खेल्दैछ ।

त्रिवि क्रिकेट मैदान कीर्तिपुरमा बिहान ९ बजेदेखि सुरू हुने खेलमा ओमानविरुद्ध मैदान उत्रिँदा नेपाल जितसहित समूह विजेता बन्ने लक्ष्यमा हुनेछ ।

समूह ‘ए’को नेपाल र ओमान यसअघि नै दुई खेल जितेर सेमिफाइनल पुगिसकेको छ ।

छनोटको समूह ‘ए’ मा रहेका यी दुवै टिम अपराजित छन् । समूह चरणको अन्तिम खेलअगावै सेमिफाइनलमा स्थान बनाए पनि आजको खेलले विजेता र उपविजेताको टुंगो लगाउने छ ।

नेपालले यसअघि प्रतियोगिताको पहिलो खेलमा सिंगापुरविरुद्ध आठ विकेट र दोस्रो खेलमा मलेसियाविरुद्ध ६ विकेटको जित निकालेको थियो । ओमानले भने पहिलो खेलमा मलेसियालाई ३२ रन र दोस्रो खेलमा सिंगापुरलाई २२ रनले हराएको थियो ।