इन्डिगो एयरलाइन्सको उडान ढिलो भएपछि पाइलटमाथि यात्रुले गरे कुटपिट

✍️: टिभी अन्नपूर्ण

इन्डिगोको विमानमा एक यात्रुले पाइलटमाथि कुटपिट गरेको भिडियो सामाजिक सञ्जालमा भाइरल भइरहेको छ ।

भिडियोमा देखिए अनुसार पाइलटले विमान उडान ढिलो भएको घोषणा गरिरहँदा एकजना व्यक्ति दौडिएर उनलाई थप्पड हानेका थिए । यसपछि एक यात्रुले हस्तक्षेप गरेर व्यक्तिलाई फिर्ता लैजान्छन्। यसै क्रममा आक्रमण गर्ने व्यक्तिले भन्छन्– ‘उडान चाहन्छौ भने उडाऊ, नत्र ढोका खोलेर जान देउ ।’

भिडियोमा एउटी महिलाको आवाज सुनिएको छ– ‘तिमीले जे गर्यौ त्यो गलत हो ।’ यो भिडियो दिल्लीको हो । यो उडान दिल्लीबाट गोवा गइरहेको थियो जुन बाक्लो कुहिरोका कारण ढिला भएको थियो।समाचार एजेन्सी पीटीआईका अनुसार इन्डिगोले यस विषयमा उजुरी दिएको छ ।

आइतबार दिल्ली र उत्तर भारतमा बाक्लो कुहिरो र शून्य दृश्यताका कारण धेरै उडानहरू ढिलो उडेका थिए। धेरै रुट परिवर्तन भएका थिए भने धेरै रद्द भए ।हिन्दुस्तान टाइम्सको रिपोर्टका अनुसार आइतबार खराब मौसमका कारण ४०० उडान ढिला भएको थियो, १० उडान डाइभर्ट गरिएको थियो र २० उडान रद्द गरिएको थियो।

सम्बन्धित समाचार
विश्व

नयाँ रुसी क्षेप्यास्त्र प्रहारका विषयमा नेटो र युक्रेनबीच वार्ता

विश्व

भारतको मध्य प्रदेशस्थित एक घरमा बम विष्फोट हुँदा चार जनाको मृत्यु

विश्व

गूगल म्याप हेर्दै हिँडेको गाडी पुलबाट खसेपछि तीन जनाको मृत्यु

विश्व

लिथुआनियामा विमान दुर्घटना, एक जनाको मृत्यु

विश्व

इजरायलको जेलमा ११ हजारभन्दा बढी प्यालेस्टिनी

विश्व

इमरान खानको रिहाइको माग गर्दै पाकिस्तानमा प्रदर्शन, १४ प्रहरी घाइते