‘एआई’ विशेषता सहितको सामसङ ग्यालेक्सी एस २४ सिरिज माेबाइल फाेन सार्वजनिक

सामसङ कम्पनीले नेपालमा ‘एआई’को विशेषता भएको मोबाइल फोन सामसङ ग्यालेक्सी एस-२४ सिरिज सार्वजनिक गरेको छ । हिजो शुक्रबार काठमाडौँको मेरियट होटलमा भएको कार्यक्रममा सामसङ ग्यालेक्सी एस-२४ सिरिज सार्वजनिक गरिएको हो ।

सामसङ नेपालका निर्देशक प्रणयरत्न स्थापित र मिस नेपाल वर्ल्ड २०१८ शृङ्खला खतिवडाले नयाँ ग्यालेक्सी एस २४ सिरिजको मोबाइल सार्वजनिक गरेका हुन् ।

निर्देशक स्थापितले ग्यालेक्सी एस २४ भविष्यको फोन भएको र एआई प्रविधि लगायतका विशेषता समेटिएको जानकारी दिए । एस २४ सिरिज विश्वव्यापीरुपमा भने गएको माघ ३ गते नै सार्वजनिक गरिएको हो ।

ग्यालेक्सी एस २४ सिरिजका स्मार्टफोनहरू प्रस्तुत गर्ने एक्सपिरिएन्स जोनमार्फत उपस्थित अतिथिहरूले ‘नयाँ युग’ को पहिलो अनुभव पनि गरेका थिए । पछिल्लो समय एआईलाई जीवनमा ल्याउन चाहने सबै यो अनुभवबाट प्रभावित भएको कम्पनीले बताएको छ ।