इरानमा एक युवकले गरे आफ्नै बुवाआमासहित परिवारका १२ सदस्यको हत्या
इरानको सरकारी मिडियाका अनुसार एक व्यक्तिले आफ्नै परिवारका १२ सदस्यको गोली हानी हत्या गरेका छन् ।
रिपोर्टका अनुसार यो घटना केरमान प्रान्तमा भएको हो । यहाँ एक ३० वर्षीय युवकले कलाश्निकोभ राइफलले आफ्नै बुबा र भाइसहित परिवारका १२ जनाको हत्या गरेका हुन् ।
घटनापछि आक्रमणकारीलाई पनि सुरक्षा बलले मारेको छ । इरानमा यस्ता गोलीबारीका घटना विरलै हुने गरेका छन् ।
यहाँ सर्वसाधारणले सिकारका लागि मात्र बन्दुक राख्न पाउँछन् । सर्वसाधारणले स्वचालित हतियार बोक्न पाउँदैनन् ।
