बोरुसिया डर्टमुन्डविरुद्ध एथलेटिको मड्रिडको अग्रता
युरोपियन च्याम्पियन्स लिग अन्तर्गत क्वार्टरफाइलनको पहिलो लेगमा बोरुसिया डर्टमुन्डविरुद्ध एथलेटिको मड्रिडले अग्रता बनाएको छ ।
बुधबार राति भएको खेलमा एथलेटिकोले डर्टमुन्डविरुद्ध २–१ को अग्रता बनाएको हो । डर्टमुन्टविरुद्ध मड्रिडले पहिलो हाफमा नै अग्रता लिएको थियो ।
खेलको चौथो मिनेटमा नै रोड्रिगो डि पाउलको गोलमा मड्रिडले खेलमा सुरुवाती अग्रता बनाएको थियो । खेलको ३२ औँ मिनेटमा डियास लिनोको गोलमा मड्रिडले अग्रता दोब्बर पार्यो।
खेलको ८१ औँ मिनेटमा सेबास्टियन हलरको गोलमा डर्टमुन्ड खेलमा फर्कने संकेत गरेको थियो । तर थप गोल हुन नसक्दा पहिलो लेगमा मड्रिडले अग्रता बनायो ।
क्वार्टरफाइनलको दोस्रो खेलमा आागमी मंगलबार हुनेछ । गएराति नै भएको अर्को खेलमा पिएसीविरुद्ध बार्सिलोनाले ३–२ को जित निकालेको छ ।
