एसिसी प्रिमियर कपमा नेपालले आज कतारसँग खेल्दै

ओमानमा जारी एसिसी प्रिमियर कपमा आज नेपालले कतारसँग खेल्दैछ ।

ओमानको अल अमिरत क्रिकेट ग्राउन्डमा नेपाली समयअनुसार अपराह्न सवा ४ बजेदेखि नेपाल र कतारबीचको खेल सुरू हुनेछ ।

नेपालले मलेसियालाई पराजित गर्दै प्रतियोगितामा विजयी सुरूवात गरिसकेको छ । शुक्रबार नेपालले मलेसियालाई ५ विकेटले पराजित गरेको थियो ।

१० टिम सहभागी प्रतियोगिताको नेपाल साविक विजेता हो । नेपालको समूहमा मलेसिया, कतार, हङकङ र साउदी अरेबिया छन् ।

कपको आयोजक ओमान समूह ‘बी’ मा छ । समूहमा ओमानसहित युएई, कुवेत, बहराइन र कम्बोडिया छन् ।