‘पूर्णबहादुरको सारंगी’ मा अन्जना बराइलीको इन्ट्री

फिल्म ‘पूर्ण बहादुरको सारंगी’ मा अभिनेत्री अन्जना बराइली अनुबन्धित भएकी छिन् । निर्माण टिमले एक पोस्टर सेयर गर्दै बराइली फिल्ममा मुख्य भूमिकाको लागि जोडिएको जानकारी दिएको हो ।

‘महापुरुष’ बाट डेब्यु गरेकी अन्जनाको मुख्य भूमिका रहेको ‘पुजार सार्की’ हलमा प्रदर्शनरत छ । बक्सअफिसमा राम्रो व्यापार गरिरकेको फिल्ममा अन्जनाको अभिनयको तारिफ भइरहेको छ ।

फिल्ममा यसअघि गायक तथा कलाकार प्रकाश सपुत, मुकुन भुषाल, विनोद न्यौपाने, भोला राज सापकोटा र देशभक्त खनाल अनुबन्धित भइसकेका छ्न ।

यस फिल्मलाई अन्तर्राष्ट्रिय वितरण कम्पनी सेभेन सिज इन्टरटेनमेन्टले निर्माण गर्न लागेको हो ।

सोसल–ड्रामा बन्ने फिल्मका लेखन तथा निर्देशन सरोज पौडेल हुन् । यो फिल्मको प्रदर्शन मिति आउँदो वर्षलाई तोकिएको छ। फिल्ममा विनोद पौडेल र प्याट्रिक सुवेदीको लगानी रहनेछ। यस फिल्मको सुटिङ जेठको २१ गतेबाट सुरु हुनेछ ।

रमेश चौलागाईं र हरि श्रेष्ठ फिल्मका कार्यकारी निर्माता हुन् । महेश दवाडीको पटकथा तथा संवाद रहन फिल्ममा प्रशान्त सिवाकोटीको संगीत रहने छ ।