एमबाप्पे र रियल मड्रिडबीच पाँच वर्षको सम्झौता
फ्रान्सका फरवार्ड किलियन एमबाप्पे स्पेनिस क्लब रियल मड्रिडमा अनुबन्धित भएका छन् ।
रियालले सोमबार राति सामाजिक सञ्जालमार्फतमा एमबाप्पेलाई क्लबले अनुबन्ध गरेको जनाएको हो । रियलले एमबाप्पेसँग पाँच वर्षका लागि सम्झौता गरेको उल्लेख गरेको छ ।
२३ वर्षीय एमबाप्पे ६ वर्ष फ्रेन्च क्लब पेरिस सेन्ट जर्मन (पीएसजी) मा अनुबन्धित थिए । यस सिजनको अन्त्यसँगै सम्झौता समाप्त भएपछि उनले पीएसजीको सम्झौता नवीकरण नगरी टुंग्याएका हुन् ।
उनले पीएसजीबाट १७८ खेल खेल्दा १६२ गोल गरेका छन् । त्यसअघि उनले सन् २०१५ देखि २०१८ सम्म मोनाकोबाट व्यावसायिक फुटबल खेलेका थिए ।
