एसियन कप फुटबल छनोटः नेपाल कठिन समूहमा

एसियाली फुटबल महासङ्घ (एएफसी) यु-१७ एसियन कप फुटबल छनोट खेलमा नेपाल समूह एफमा परेको छ । एएफसीले सार्वजनिक गरेको ड्रमा नेपाल समूह एफमा परेको हो ।

नेपालको समूहमा जापान, कतार र मङ्गोलियाजस्ता बलिया राष्ट्र परेका छन् । यस समूहका सबै खेल कतारले आयोजना गर्ने एएफसीले जनाएको छ । छनोटका खेल आउँदो अक्टोबर महिनामा हुने छ ।

त्यसैगरी एएफसीले सार्वजनिक गरेको २० वर्षमुनिको एएफसी यु-२० एसियन कप छनोटमा भने नेपाल समूह ‘बी’ मा परेको छ । नेपालको समूहमा चाइनिज ताइपेइ, उज्वेकिस्तान, बहराइन र कम्बोडिया रहेका छन् ।

यो समूहका खेल चाइनिज ताइपेइले आयोजना गर्ने एएफसीले जनाएको छ । उक्त खेल आगामी सेप्टेम्बर २१ देखि २९ तारिखसम्म हुनेछ ।