ट्रम्पलाई गोली हान्ने व्यक्ति २० वर्षीय युवक
राष्ट्रपति दौडमा रहेका रिपब्लिकन उम्मेदवार डोनाल्ड ट्रम्पमाथि गोली प्रहार गर्ने संदिग्धको पहिचान खुलेको छ ।
शनिबार साँझ साढे ६ बजे पेन्सिलभेनियाको बट्लरमा चुनावी र्यालीको क्रममा ट्रम्पमाथि गोली प्रहार भएको थियो ।
संयुक्त राज्य अमेरिकाको संघीय जाँच ब्युरो (एफबिआई)ले गोली चलाउने संदिग्ध पेन्सिलभेनियाको बेथेल पार्कका २० वर्षीय थोमस म्याथ्यु क्रुक रहेको सार्वजनिक गरेको हो ।
एफबिआईले सो घटना अझै अनुसन्धानमै भएको जनाउँदै घटनासम्बन्धी कुनै जानकारी भएमा सूचना दिन आग्रह गरेको छ ।
