चीनको एक सपिङ सेन्टरमा आगलागी हुँदा कम्तीमा १६ जनाको मृत्यु

चीनको एक १४ तले सपिङ सेन्टरमा बुधबार साँझ आगलागी हुँदा कम्तीमा १६ जनाको मृत्यु भएको छ ।

सरकारी मिडियाका अनुसार आगजनीको यो घटना चीनको सिन्हुआन प्रान्तको जिगोङ सहरमा बुधबार साँझ भएको हो । उद्धार अपरेसन रातभरीमा पूरा गरिएको जनाइएको छ ।

आगलागीमा परेका ३० जनाको उद्धार गरिएको जनाइएको छ । प्रष्ट कारण खुल्न नसके पनि प्रारम्भिक अनुसन्धानका अनुसार भवनमा निर्माणाधीन कामका कारण आगलागी भएको हो ।