आइफोन प्रयोगकर्ताले विन्डोज कम्प्युटरबाट कसरी फोन कल गर्ने ?

आइफोन प्रयोगकर्ताहरुले आफ्नो फोनलाई विन्डोज पिसी वा ल्यापटपमा जोडेर कल गर्न तथा मेसेज पठाउन सक्दछन् ।Microsoft Phone Link  एपको माध्यमबाट यो सेवा प्रयोग गर्न सकिन्छ।

हुनत एप्पलले बन्द इकोसिस्टम कायम गर्ने गरेको छ र मुख्यतः आइफोन, म्याक र आइप्याडको बीचमा निर्बाध अन्तरआबद्धताको सुविधा प्रदान गरेको हुन्छ ।

तर उल्लेखित एपबाट आइफोन प्रयोगकर्ताले विन्डोज पिसीसँग पनि उहीँ तहको कनेक्टिभिटीको मज्जा लिन सक्दछन् । त्यसका लागि विन्डोज ११ अपरेटिंग सिस्टम आवश्यक पर्दछ ।

आइफोन प्रयोग गरेर विन्डोज कम्प्युटरबाट कल गर्ने तरिका :

१. माइक्रोसफ्ट अकाउन्टमा लगइन गर्नुहोस् र ब्लुटुथ सक्रिय बनाउनुहोस् । विन्डोज पिसी र आइफोन दुबैमा आफ्नो माइक्रोसफ्ट अकाउन्ट लगइन भएको निश्चित गर्नुहोस् । दुवै डिभाइसमा ब्लुटुथ एक्टिभेट गर्नुहोस् । तपाईंको कम्प्युटरबाट कल गर्नका लागि यो कनेक्सन अत्यावश्यक हुन्छ ।

२. आफ्नो आइफोनमा Link to Windows एप इन्स्टल गर्नुहोस् ।

३. विन्डोज कम्प्युटरमा Phone Link एप खोल्नुहोस् । यो एप विन्डोज ११ मा प्रिइन्स्टल्ड हुन्छ।यसका लागि कम्प्युटरको start मेन्यूमा जानुहोस् र Phone Link एप् सर्च ग्री त्यसलाई खोल्नुहोस् ।

यदि त्यहाँ एप फेला परेन भने Settings मा गएर Phone Link सर्च गर्नुहोस् । त्यसपछि त्यसलाई डाउनलोड गर्नका लागि enable गर्नुहोस् । डाउनलोड भैसकेपछि सेटिंग्सबाट Open Phone Link छानेर एप खोल्नुहोस् । तपाईंले वेबपेजबाट पनि फोन लिंक एप डाउनलोड गर्न सक्नुहुन्छ।

४. डिभाइस Pair गर्नुहोस् : आफ्नो विन्डोज कम्प्युटरेको Phone link विन्डोमा गएर iphone छान्नुहोस् । त्यसपछि आइफोमा आउने प्रम्प्टमा दिइएबमोजिम ब्लुटुथको माध्यमबाट आइफोनलाई विन्डोज पिसीसँग जोड्नुहोस् ।

५. pairing प्रक्रियालाई पूरा हुन दिनुहोस् र त्यसपछि Calls अप्सन छान्नुहोस् ।

६. आफ्नो आइफोन ब्लुटुथबाट विन्डोज कम्प्युटरसँग कनेक्ट भएको निश्चित गर्नुहोस् ।

७. आफूले कल गर्न चाहेको व्यक्तिको सम्पर्क नम्बर हाल्नुहोस् र कल गर्नुहोस् । यसका लागि तपाईंको आइफोन कम्प्युटरको ब्लुटुथ सीमाभित्र हुनु आवश्यक हुन्छ ।