काभा महिला भलिबलमा आज नेपाल र भारत भिड्दै
सेन्ट्रल एशिया भलिबल एशोसिएसन (काभा) महिला भलिबल नेसन्स लिगमा आज नेपाल र भारत भिड्दै छन् ।
त्रिपुरेश्वरस्थित राष्ट्रिय खेलकुद परिषद् राखेपको कभर्डहलमा दिउँसो ३ बजे शुरु हुने आजको खेल नेपालको दोस्रो खेल हो भने भारत तेस्रो खेल हो ।
शुक्रबार भारतले माल्दिभ्सलाई ३–० को सोझो सेटमा पराजित गरेको थियो । नेपालले पहिलो खेलमा श्रीलंकालाई २५–१९, २५–१८, २५–१९ ले हराएको थियो । साउन २३ गतेसम्म चल्ने प्रतिस्पर्धामा नेपाल र भारतसहित इरान, श्रीलंका र माल्दिभ्स प्रतियोगी रहेका छन् ।
